Irannyń Ońtústik Ahvaz qalasynda aýa temperatýrasy Selsıı shkalasy boıynsha 51 gradýsqa jetti, dep habarlaıdy Almaty-akshamy.kz 24.kz-ke silteme jasap.
Aptap ystyq saldarynan elde eki kúndik karantın jarıalandy. Buryn-sońdy tirkelmegen mundaı joǵary temperatýra ońtústiktegi birneshe qalada baıqaldy. Jergilikti bılik turǵyndardan úıde qalýdy surady. Al Densaýlyq saqtaý mınıstrligi aýrýhanalardy tótenshe jaǵdaıǵa daıyndap jatyr. El astanasy Tegeranda temperatýra 39 gradýsqa jetken. Aıta keterligi, sońǵy aptada mundaı jaǵdaı Jer sharynyń kóp bóliginde tirkeldi. Ǵalymdar ony antropogendik klımattyń ózgerýimen baılanystyrady.