Reseı Federasıasy Bashqurtstan Respýblıkasynyń Ýfa qalasynda órt sóndirý-qutqarý sportynan halyqaralyq jarystar bastaldy, dep habarlaıdy aqshamnews.kz
Jarystar 17 mamyrǵa deıin jalǵasady jáne túrli elderden órt sóndirý-qutqarý sportynyń eń kórneki túrleriniń biri boıynsha jyldamdyq, kúsh jáne sheberlikterin kórsetýge kelgen órt sóndirýshi-sportshylardyń basyn qosady.
Jarystarǵa Belarýs, Qazaqstan, Ózbekstan Respýblıkalarynyń jáne Reseı Federasıasynyń komandalary qatysýda. Sonymen qatar Saýd Arabıasy, Chehıa, Vetnam, Avstrıa jáne Latvıa elderinen resmı ókilder men baıqaýshylar keldi.
Órt sóndirý-qutqarý sportynan halyqaralyq jarystar – bul kásibı sheberlik pen fızıkalyq daıyndyqty kórsetý ǵana emes, sondaı-aq órtke qarsy jáne qutqarý salasyndaǵy halyqaralyq yntymaqtastyqty nyǵaıtatyn mańyzdy alań.
Jarystyń birinshi kúni qorytyndysy boıynsha bizdiń qurama komandalar (erler men áıelder) shabýyl satysymen kóterilý boıynsha úshinshi orynǵa ıe boldy, al jartylaı fınalǵa bizdiń elden erler komandasynyń ókili — Nıkolaı Býtorın shyqty.