Búginde Áleýmettik medısınalyq saqtandyrý qory densaýlyq saqtaý júıesiniń negizgi elementteriniń biri bolyp tabylady. Qazirgi tańda kóptegen problema jınalyp qaldy. Biz olardyń sebepterine tereń taldaý júrgizip, olardy jedel sheshýge kiristik.
Mysaly, meniń oıymsha, monıtorıń júrgizý prosesin retteýden (buǵan deıin jazǵanymdaı) bólek, Qor tarapynan medısınalyq uıymdardyń qarjylyq tártibin qamtamasyz etý úshin qoldanylatyn sharalardyń «qataldyǵyn» biraz jumsartatyn ýaqyt keldi.
Munda baqylaý mehanızminiń ıkemdirek ári teńgerimdi bolýyna basymdyq berý kózdelip otyr.
Bul baǵytta aldaǵy 1-2 aıda birqatar ózgerister engiziledi.
Birinshi. Qor «aldymen tólem — sodan keıin monıtorıń» qaǵıdatyna kóshedi (budan bylaı barlyq yqtımal kemshilikter boıynsha qaıta tekserýdiń aıaqtalýyn kútýdiń qajeti bolmaıdy).
Ekinshi. «Syzyqtyq shkalany» aı saıyn emes, toqsan saıyn qoldaný múmkindigin engizemiz, bul bir aıdaǵy jospardan tys oryndalǵan jumystarmen basqa aıdaǵy jospardyń oryndalmaýyn teńestirýge múmkindik beredi (alaıda, medısınalyq uıymdardyń da óz jumysyn naqty josparlap, tez áreket etýi talap etiledi).
Úshinshi. «Qosarlanǵan alý» múmkindigin joıamyz – ıaǵnı, qarapaıym tilmen aıtqanda: eger anyqtalǵan buzýshylyqtar (kemshilikter) boıynsha soma alynǵan bolsa, onda syzyqtyq shkalasy boıynsha qosymsha alym júrgizýge qajettilik týyndamaýy múmkin.
Biz qarjylyq tártiptiń mańyzyn jaqsy túsinemiz, biraq pasıentterdiń naqty qajettilikteri men dárigerlerdiń múmkindikteri de sonshalyqty mańyzdy. Sol sebepti biz tepe-teńdikti tabýǵa tyrysyp jatyrmyz.
Bizdiń maqsatymyz — ádil, ashyq ári túsinikti júıe qurý. Munda dáriger júıemen kúrespeı, óz jumysyn atqarýy tıis.
Aqmaral Álnazarova,
Qazaqstan Respýblıkasynyń Densaýlyq saqtaý mınıstri.