Qazaqstan fýtbol federasıasynyń prezıdentine ÝEFA ne úshin narazy?
Eýropalyq fýtbol qaýymdastyqtary odaǵy (ÝEFA) Qazaqstan fýtbol federasıasynyń prezıdenti Ádilet Barmenqulovtyń qupıa aqparatty jarıa etýine baılanysty renishin bildirdi, dep habarlaıdy aqshamnews.kz.
Barmenqulovtyń ÝEFA-ǵa múshe elderdiń jartysynan kóbi Reseıdiń jastar quramalaryn halyqaralyq týrnırlerge qaıta qatystyrýdy qoldaıtyny týraly málimdemesi uıym tarapynan renish týdyrdy.
«Toptyq otyrystardyń biri eýropalyq fýtbolǵa saıasattyń áseri týraly boldy, onda geosaıası máseleler men ózekti taqyryptar talqylandy. Biz senimdilik buzylǵanyna, ári durys emes aqparat jarıalanǵanyna renjýlimiz. Bul áreket bireýdiń saıası upaı jınaý úshin jasaǵany aıqyn», — dep málimdedi ÝEFA baspasóz qyzmeti TASS agenttigine silteme jasaı otyryp.
Eske sala keteıik, osydan buryn Qazaqstan fýtbol federasıasynyń prezıdenti Ádilet Barmenqulov ÝEFA-ǵa múshe elderdiń jartysynan astamy Reseıge qatysty sanksıalardy jeńildetýdi qoldaýǵa daıyn ekenin aıtqan bolatyn.
2022 jyldyń aqpan aıynan beri FIFA jáne ÝEFA Reseıdiń klýbtary men quramalaryn Ýkraınadaǵy jaǵdaıǵa baılanysty halyqaralyq týrnırlerden shettetken bolatyn.