Sý resýrstary jáne ırrıgasıa vıse-mınıstri Nurlan Aldamjarov OKQ alańynda vedomstvo qurylǵannan beri atqarylǵan jumystar týraly aıtty.
Baspasóz konferensıasy barysynda spıker 1 jyl ishinde negizgi 2 qujat ázirlengenin atap ótti, dep habarlaıdy aqshamnews.kz.
Birinshisi - 2030 jylǵa deıin sý resýrstaryn basqarýdy damytýdyń tujyrymdamasy. Onda jalpy 160-qa jýyq is-shara qarastyrylǵan, onyń ishinde, 42 jańa sý qoımasyn salý, 37 sý qoımasyn qalpyna keltirý josparlanǵan. Bul – 2 mlrd tekshe metr sýdy jınaýǵa múmkindik beredi. Sondaı-aq 14,5 myńnan astam shaqyrym ırrıgasıalyq júıeler qalpyna keltiriledi.
«Ekinshisi - jańa Sý kodeksi. Qujat qazir Májilistiń qaraýynda jáne jyl sońyna deıin qabyldanady. Sonymen qatar ıesiz qalǵan sý sharýashylyq nysandary memleket menshigine qabyldandy, ózge jumystar jalǵasyn tabady», dedi vıse-mınıstr.