2024 jyly Qazaqstannyń joǵary oqý oryndaryna túsý úshin shekti bal ózgerissiz, keminde 50 bal jáne ulttyq joǵary oqý oryndaryna túsý úshin keminde 65 bal bolyp qaldy.
Alaıda, oqýǵa túsý úshin 50-den astam bal jınaý qajet daıyndyq baǵyttary bar. Eń joǵary shekti bal – keminde 75 bal «Quqyq» jáne «Pedagogıkalyq ǵylymdar» bilim berý baǵdarlamalaryna túsý úshin bekitilgen, dep habarlaıdy almaty-akshamy.kz.
«Densaýlyq saqtaý jáne áleýmettik qamtamasyz etý (medısına)» baǵyty boıynsha oqýǵa sheshim qabyldaǵan talapkerler UBT-da keminde 70 bal jınaýy tıis. Al ulttyq joǵary oqý oryndaryna «Aýyl sharýashylyǵy jáne bıoresýrstar» jáne «Veterınarıa» mamandyǵyna túskisi keletinderge keminde 60 bal jınaý qajet.
«Sondaı-aq, talapkerler ár joǵary oqý orny óziniń shekti balyn qoıa alatyndyǵyn da eskerý kerek. Bul quqyq olarǵa tórt jyl buryn akademıalyq erkindik negizinde berilgen edi. Mysaly, 80 bal jınaǵan talapker matematıka muǵalimi mamandyǵyna ulttyq joo-ǵa túskisi keledi. Barshaǵa málim, «Pedagogıkalyq ǵylymdarǵa» shekti bal keminde 75 bal, al ulttyq oqý oryndaryna – keminde 65 bal. Oqýshynyń jınaǵan upaıy jetip tur. Alaıda, tańdalǵan ýnıversıtette oqýshynyń oqyǵysy kelgen mamandyqqa shekti bal 85-ten bastalady. Demek, oqýshyǵa shekti balyn 80-ge deıin belgilegen ýnıversıtetti izdeý kerek. Joǵary oqý oryndarynyń shekti baly jaqyn arada UTO saıtynda jarıalanady», - dep atap ótti QR ǴJBM Ulttyq testileý ortalyǵynyń dırektory Rýslan Emelbaev.
Esterińizge sala ketsek, «Qazaqstan tarıhy» jáne eki beıindik pán boıynsha shekti bal – keminde 5 bal, al «Oqý saýattylyǵy» jáne «Matematıkalyq saýattylyq» pánderi boıynsha shekti bal – keminde 3 bal.