Qazaq ulttyq qyzdar pedagogıkalyq ýnıversıteti HertsCam Network jáne Teachers Lab yntymaqtastyq týraly úshjaqty memorandýmǵa qol qoıdy.
Esterińizge salsaq, Qazaqstan men Ulybrıtanıanyń bilim berý mekemeleri arasyndaǵy baılanysty nyǵaıtý maqsatynda HertsCam Network jelisiniń dırektory Devıd Frost Qazaq ulttyq qyzdar pedagogıkalyq ýnıversıtetine kelgen bolatyn. Nátıjesinde, taraptar bilim men ǵylym salasynda strategıalyq áriptes bolýǵa kelisti. Memorandýmǵa qol qoıý rásimi Almatydaǵy UNESCO keńsesinde ótti, dep habarlaıdy almaty-akshamy.kz.
Qujatta joǵary jáne joǵary oqý ornynan keıingi bilim berý, ǵylym, mádenıet jáne óner, ǵylymı-zertteý salalaryndaǵy yntymaqtastyqty damytýdyń negizgi baǵyttary kórsetilgen. Sondaı-aq taraptar oqý, ádisnamalyq jáne ǵylymı-zertteý jumystarynyń tıimdiligin arttyrady.
Qujattyń mańyzdy bóliginiń biri – aýyl muǵalimderin qoldaý, atap aıtqanda olardyń kásibı damýyna jaǵdaı jasaý. Ol úshin «Aýyldyq mektep shamy» jobasy iske asatyn bolady. Joba muǵalimderdiń kóshbasshylyq qasıetterin damytýdy, sondaı-aq brıtandyq tájirıbe negizinde zamanaýı kollaborasıa modelin ázirleýdi, aýyl mektepteri men pedagogıkalyq ýnıversıtettiń arasyndaǵy baılanysty nyǵaıta túsýdi kózdeıdi. Bul tájirıbe odan ári Qazaqstannyń basqa da aýmaqtaryna aýyl mektepterin damytý maqsatynda taratylatyn bolady.
Qazaq ulttyq qyzdar pedagogıkalyq ýnıversıtetiniń rektory Gúlmıra Qanaı aýyl muǵalimderine jobany tanystyrý úshin Almaty oblysyndaǵy 6 bilim oshaǵyn aralaǵan bolatyn. Onda ustazdarmen kezdesip, joba týraly egjeı-tegjeıli baıandady.
Aıta keteıik, joǵary bilim men ǵylymdy damytý jáne aýyl muǵalimderin qoldaý boıynsha úshjaqty memorandýmǵa UNESCO-nyń qoldaýymen qol qoıyldy.