Astana men Almaty qalasynda "Iandeks.Taksı" mobıldi qosymshasy arqyly klıentterdi jetkizetin júrgizýshilerge arnalǵan jańa joba qolǵa alyndy. Bul týraly Qarjy vıse-mınıstri Erjan Birjanov málim etti.
«Memlekettik kirister komıteti Iandeks taksı qyzmetimen birlesip Astana jáne Almaty qalasynda taksı júrgizýshilerine arnalǵan pılottyq jobany iske qosty. Jobaǵa 4 400-den astam taksı júrgizýshisi qatysyp jatyr. Osy jyldyń qańtar aıynda 2 800-den astam taksıst qosyldy», - dedi Erjan Birjanov Ortalyq komýnıkasıalar qyzmeti alańynda ótken baspasóz máslıhatynda.
Onyń aıtýynsha, pılottyq joba jyl sońyna deıin júzege asyrylady.
Sondaı-aq, brıfıń barysynda aldaǵy ýaqytta Glovo, Wolt, InDrive taǵy sol sıaqty klıentterge qyzmet kórsetetin kompanıalardy pılottyq jobaǵa qatystyrý jospary týraly aıtyldy.
Odan bólek, taksı júrgizýshileri úshin pılottyq jobanyń artyq tustary túsindirildi:
- taksoparkterdiń deldaldyq qyzmetterin alyp tastaý, bul aqsha qarajatyn únemdeýge jáne olardy salyqtar men áleýmettik tólemderdi tóleýge baǵyttaýǵa múmkindik beredi. Tıisinshe, júrgizýshi áleýmettik qamsyzdandyrý júıesine tartylady;
- jeke kásipker retinde tirkeýdi ońaılatý (memlekettik kirister organdaryna barmaı);
- naqty alynǵan kiristiń 1% mólsherinde salyq tóleý (al qyzmetkerdiń kirisinen salyq 10% mólsherinde ustalady);
- salyq eseptiligin usyný boıynsha mindettemelerdiń bolmaýy.