Negizgi UBT bastalǵannan beri 264 myń ret test tapsyrylǵan.
Onyń ishinde talapkerlerdiń 75%-y qazaq tilinde, 25%-y orys tilinde, 197 adam aǵylshyn tilinde testileýden ótti.
UBT bastalǵaly shekti baldy 77% talapker jınady. Ortasha balǵa keletin bolsaq, ol 69 baldy qurady, dep habarlaıdy Almaty-akshamy.kz.
Oqý-aǵartý mınıstrligniń málimetinshe, UBT-ny ótkizýdiń altynshy aptasynda Almaty oblysynyń túlegi eń joǵary 140 baldy jınady. Talapker UBT-ny «Matematıka-Informatıka» kombınasıasy boıynsha keshe, 27 maýsymda, Almaty oblysynyń Esik qalasynda tapsyrǵan.
Esterińizge sala ketsek, sońǵy ret UBT nátıjesi boıynsha 140 baldy Pavlodar oblysynyń talapkeri 2021 jyly jınaǵan bolatyn, al 2018 jyly Almaty qalasynyń talapkeri jınady.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa alty aptanyń ishinde 620 talapker qatysty.