Almaty ákimi Erbolat Dosaev jýrnalıserdi Buqaralyq aqparat quraldary qyzmetkerleri kúnimen quttyqtady, dep habarlaıdy almaty-akshamy.kz.
«Kúndelikti qajyrly eńbekterińizben Sizder qoǵamǵa ómirde ne bolyp jatqanyn túsinýge kómektesesizder, qala men eldegi mańyzdy oqıǵalar týraly habardar etesizder. Biz úshin Sizderdiń materıaldaryńyz tek derekter kózi ǵana emes, eń aldymen Almatyny damytýda durys sheshim qabyldaýdyń negizi bolyp tabylady», - dep atap ótti ákim.
Qala basshysy aqparattyq keńistiktiń mańyzdylyǵy men baǵa jetpes úlesin atap ótti.
«Sizderdiń jaýapty jumystaryńyz bizge megapolıstiń turǵyndarymen jáne bıznespen syndarly dıalog qurýǵa kómektesedi. Obektıvtilik pen kásibılikke negizdelgen mundaı tıimdi ózara is-qımyldyń aldaǵy kezeńde de jalǵasatynyna senimdimin. Sizderge barlyq bastamalaryńyzǵa sáttilik, kásibılikte jańa bıikter men baq-bereke tileımin!», - dep izgi nıetin bildirdi E. Dosaev.