28 maýsymda Májilis alańynda Sıfrlyq damý, ınovasıalar jáne aeroǵarysh ónerkásibi mınıstri Jaslan Mádıev Telegram messendjeriniń negizin qalaýshy Pavel Dýrovtyń Qazaqstanǵa ne úshin kelgenin túsindirdi, dep habarlaıdy almaty-akshamy.kz.
Mınıstr Pavel Dýrovtyń Qazaqstanǵa shaqyrý boıynsha kelgenin atap ótti.
"Biz ony shaqyrdyq, ol keldi. Bilýimshe, ol Qazaqstanda 3 kún bolady. Qazir ol Astana Hubty kórdi, Sıfrlyq damý, ınovasıalar jáne aeroǵarysh ónerkásibi mınıstrlikti jáne basqa da uıymdardy kórsetkimiz keledi. Biz qonaqqa tehnologıamyzdy jáne jaqsy jetistikterge jetkenimizdi kórsetkimiz keledi", - dedi Jaslan Mádıev.
27 maýsymda Qaznette Pavel Dýrov mınıstr Jaslan Mádıevpen birge Astanadaǵy Astana Hub halyqaralyq IT startaptar tehnoparkiniń keńsesin teksergen vıdeo paıda boldy.
Onyń aıtýynsha, qazir mınıstrlik ókilderi Pavel Dýrovpen pikir almasyp jatyr.