UBT bastalǵannan beri 130 myńǵa jýyq túlek test tapsyrdy.
Onyń ishinde 75,7% – qazaq tilinde, 24,1% - orys tilinde, 0,1% - aǵylshyn tilinde testileýden ótti, dep habarlaıdy Almaty-akshamy.kz.
UBT bastalǵaly shekti baldy 67% jýyq talapker jınady. Ortasha balǵa keletin bolsaq, ol - 65 bal. Talapkerlerdiń, sonyń ishinde erekshe bilim berý qajettiligi bar talapkerlerdiń testileýdi yńǵaıly tapsyrýy úshin UBT tapsyrý ýaqyty 40 mınýtqa uzartyldy. Sonymen qatar, olar úshin syzba jáne dıagramsyz suraqtar jasaldy.
Qabyldanǵan sharalar arqasynda erekshe bilim berý qajettilikteri bar testilenýshiler sany artyp keledi. Eger 2021 jyly negizgi UBT-ǵa 90 bala qatyssa, bıyl tórt apta ishinde testileýge erekshe bilim berý qajettiligi bar 415 bala qatysty. Jalpy, negizgi ulttyq biryńǵaı testileýge qatysýǵa 290 myńǵa jýyq ótinish kelip tústi.
Memlekettik bilim berý grantyn taǵaıyndaý konkýrsyna qatysý úshin UBT 16 mamyrda bastalyp, 2022 jylǵy 5 shildege deıin jalǵasady. Bul rette talapkerler testileý orny men ýaqytyn ózderi tańdady. Bıyl talapkerlerge yńǵaıly bolý úshin alǵash ret UBT-nyń kúnin, ýaqytyn, orny men beıindik pánderin eske salatyn SMS joldandy.
Habarlama UBT-ǵa qatysýshylardyń ózine, sondaı-aq kámelet jasyna tolmaǵan testilenýshilerdiń ata-anasyna nemese zańdy ókilderine jiberiledi. Akademıalyq adaldyqty saqtaý maqsatynda talapkerlerdiń test nusqasy tańbalandy. Iaǵnı UBT-nyń árbir qatysýshysynyń jeke test nusqasy bolady. Ereje buzǵan jáne test tapsyrmasyn aýdıtorıadan shyǵarýǵa talpynǵan jaǵdaıda, Ulttyq testileý ortalyǵy olardy anyqtap, nátıjesin joıady. Búgingi tańda 174 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde ereje buzǵany úshin aýdıtorıadan 159 adam shyǵarylyp, olardyń jınaǵan baly joıyldy.