Almatyda qoǵam qaýipsizdigi úshin kúreste qaza tapqan polısıa qyzmetkerleriniń qurmetine memorıaldy eskertkish ashyldy.
Maqan Esbolatov atyndaǵy Almaty akademıasynda ashylǵan eskertkish taqtaǵa 32 tártip saqshysynyń aty-jóni jazylǵan. Sharaǵa erlikpen qaza bolǵan azamattardyń ata-analary men jaqyn-týystary qatysty, dep habarlaıdy Almaty-akshamy.kz
- Beıbit zamanda kóz jumǵan, qoǵamdyq qaýipsizdik úshin jandaryn qıǵan batyrlarymyzdyń erligi esh umytylmaıdy, - deıdi ardagerler.
"Búgin bir jaı kezeń emes, keremet kúnde turmyz. Balapandarymyzǵa memorıaldy taqtany qoıdyq. Tas qoıǵanmen birdeı dep oılaımyn. Ekinshi qulpytas ǵoı olar úshin. Esten ketpeıdi", - deıdi QR İİM Eńbek sińirgen qyzmetkeri, general-maıor Talap Qabdenuly.