TikTok-ta juldyzǵa aınalyp shyǵa keldi.
Erasyl Ýalıev esimdi oqýshy óziniń Ulttyq biryńǵaı testileýden 1 bal alǵanyn jarıalady, dep habarlaıdy Almaty-akshamy.kz
Ol óziniń 1 bal alǵany jurtty tańǵaldyrǵanyn, shýǵa aınalǵanyn aıtty jáne jeke paraqshasynda óz pikirin de bildirdi.
UBT-dan alǵan bal ómirdegi sheshýshi nárse emes degen oıdaǵy túlek óz sózinde Donald Tramp, Bıll Geıts, Stıv Djobstardy mysalǵa keltirdi.
«Sol úshin sizder esh ýaıymdamańyzdar. Men UBT-dan bal jınamasam da turaqtylyq pen tártip arqyly bıik beleske jetetinimdi kórsetemin», dedi ol.
Jelidegi vıdeoda oqýshy Erasyl óziniń 1 bal alǵanyna pikir aıtýshylardy úsh topqa bólgen.
Birinshi top ony óziniń aıtýynsha “týpoısyń” dese, ekinshi top “ne degen aqyldysyń” degen, al endigi bir top “bir ǵana suraqqa jaýap bergensiń ǵoı” depti.
1 balmen antırekord jasaǵan oqýshy óziniń osy kezge deıin kóp kitap, kýrs oqyp jınaǵan bilimimen bólisetinin aıtty.