Qazaqstan tarapy jaǵdaıdy retteý úshin kórshiles elmen jumys júrgizip jatyr.
Memlekettik kirister komıtetiniń baspasóz qyzmeti Qazaqstan men Reseı shekarasynda shamamen 200 júk kóligi turyp qalǵanyn aıtty, dep habarlaıdy Almaty-akshamy.kz
«6 shildeden bastap «Syrym» avtomobıl ótkizý pýnktinde (Batys Qazaqstan oblysy) Reseı Federasıasy baǵytynda shamamen 200 júk kóligi turyp qaldy. EAEO elderimen shekarada memlekettik kiris organdary tek tasymaldanatyn júkterdi baqylaýdy (5-7 mınýt ishinde) júzege asyrady, bul shekarany kesip ótýge qıyndyq týdyrmaıdy jáne kólikterdiń jınalýyna ákelmeıdi», - delingen MKK habarlamasynda.