Memlekettik bilim berý granttarynyń ıegerleri týraly aqparat búgin tústen keıin jarıalanady. Bul týraly QR Bilim jáne ǵylym mınıstrligi baspasóz qyzmetinen málim boldy, dep habarlaıdy Almaty-akshamy.kz.
«2021-2022 oqý jylyna arnalǵan memlekettik grant ıegerleriniń tizimi búgin saǵat 15.30-da QR BǴM Telegram- kanalynda jarıalanady», - delingen mınıstrlik málimetinde.
Sonymen qatar, saǵat 16.00-de: — «Egemen Qazaqstan» respýblıkalyq gazeti jáne saıty; «Kazahstanskaıa pravda» respýblıkalyq gazeti jáne saıtynda jarıalanady;
Buǵan deıin Bilim jáne ǵylym mınıstri Asqat Aımaǵambetov memlekettik bilim berý granttary ıegerleriniń tizimi qashan shyǵatynyn aıtqan bolatyn. «Biz daıyndalyp jatyrmyz. Bilim berý granttaryn taǵaıyndaý jónindegi respýblıkalyq komısıanyń birinshi otyrysy ótti. Orynbasarym Qýanysh Erǵalıev ótkizdi. Qazir komısıa otyrysy ótip jatyr. Tamyzdyń 15-ine deıin bul jumys aıaqtalady dep kútemiz. Sodan keıin ádettegideı taǵaıyndaý qorytyndysyn jarıa etetin bolamyz», - dedi mınıstr.