Almaty oblysynda bıylǵy jańa oqý jylynda oqýshylardy qabyldamaıtyn mektepterdiń kúrdeli jóndeý jumystaryna qansha qarajat bólingeni belgili boldy, dep habarlaıdy Almaty-akshamy.kz QazAqparat-qa silteme jasap.
Máselen, Taldyqorǵan qalasyndaǵy Ostrovskıı atyndaǵy mektep 850 oryndyq. Bilim ordasynyń kúrdeli jóndeý jumystaryna jergilikti búdjetten 827, 8 mln teńge bólingen. Al Qarasaı aýdanynyń Qaskeleń qalasyndaǵy Belınskıı atyndaǵy mektepke jergilikti búdjetten 1 mlrd 220 mln teńge jumsalǵan. Bul bilim shańyraǵy 1266 oryndyq. Sondaı-aq, Talǵar qalasyndaǵy №3 mektepke de kúrdeli jóndeý jumystary júrgizilip jatyr. 1178 oryndyq bilim ordasyn jóndeý úshin jergilikti búdjetten 1 mlrd 169 mln teńge bólindi. Sonymen qatar, Raıymbek aýdanyndaǵy Tuzkól aýylyndaǵy 392 oryndyq Musaqulov atyndaǵy mekteptiń kúrdeli jóndeý jumysyna jergilikti búdjetten 200 mln teńge qarastyrylǵan. Al, Aqsý aýdanyndaǵy Saǵabúıen aýylyndaǵy 624 oryndyq Toqtarov atyndaǵy mekteptiń kúrdeli jóndeý jumystaryna 200 mln teńge jergilikti búdjetten bólingen. Panfılov aýdanyndaǵy Qorǵas aýylyndaǵy 320 oryndyq mekteptiń kúrdeli jóndeý jumysyna respýblıkadan 351,4 mln teńge, al jergilikti búdjetten 39,1 mln teńge qarjy bólingen. Osy aýdannyń Sarybel aýylynda 500 oryndyq Kobıkova atyndaǵy mekteptiń kúrdeli jóndeý jumysyna respýblıkadan 784,6 mln teńge, jergilikti búdjetten 87,2 teńge jumsalǵan. Al, Jambyl aýdanydaǵy Tarǵap aýylyndaǵy 392 oryndyq mekteptiń kúrdeli jóndeý jumysyna respýblıkadan 554,1 mln teńge, jergilikti qazynadan 61,5 mln teńge, Alakól aýdanynyń Janama aýylynda 624 oryndyq mekteptiń kúrdeli jóndeý jumysyna jergilikti búdjetten 608,5 mln teńge bólingen.
Almaty oblystyq bilim basqarmasy basshysynyń orynbasary Aıjan Adambekovanyń sózinshe, 9 mekteptiń kúrdeli jóndeý jumystary jeltoqsan aıyna deıin aıaqtalady. Al kúrdeli jóndeýdiń keshigýine qarajattyń kesh bólinýi sebep deıdi ol.