Oqytý aı saıyn júrgiziledi.
Ulttyq biliktilik júıesin (budan ári – UBJ) damytý sheńberinde QR Eńbekmıni janyndaǵy Kásiptik biliktilik jónindegi ulttyq organ memlekettik organdar men jumys berýshiler qaýymdastyqtary úshin oqytý semınarlarynyń kezekti legin ashty, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrligine silteme jasap.
Birinshi semınarǵa túrli mınıstrlikterden, jergilikti atqarýshy organdardan, «Atameken» UKP jáne ÓKP, jumys berýshiler qaýymdastyǵynan, bilim berý jáne t. b uıymdardan 70-ten astam adam qatysty.
Oqytý barysynda Kásiptik biliktilik jónindegi ulttyq organnyń sarapshysy Dınara Kapıtonova biliktilik júıesiniń barlyq qatysýshylarynyń tıimdi ózara is-qımylyna arnalǵan Career Enbek sıfrlyq platformasynyń tanystyrylymyn ótkizdi. Platforma eńbek naryǵyndaǵy mansapty damytý týraly aqparatqa, sondaı-aq ulttyq jáne salalyq biliktilik sheńberleri, kásiptik standarttar jáne kásipter tizilimi sıaqty UBJ ózekti quraldaryna qol jetkizýdi qamtamasyz etedi.
Semınarda Ulttyq biliktilik júıesiniń maqsattary men mindetteri, eýropalyq biliktilik sheńberiniń negizgi elementteri, deńgeıleri men deskrıptorlary talqylandy. İs-shara pikir almasý jáne mańyzdy máselelerdi talqylaý alańyna aınaldy.