Kókqaınar shaǵyn aýdanynyń Mámbetov kóshesindegi zaqymdanǵan sý qubyry 23 qarasha kúni saǵat 21.00-de retke keltirildi
Eske salsalsaq, Alataý aýdanynyń Kókqaınar shaǵyn aýdanynda bir kún buryn 1960 jyly salynǵan qudyqtaǵy bekitý armatýrasy zaqymdalyp, sý syrtqa atqylaǵan.
Dıspecherlik bólmege ótinish saǵat 15:30-da kelip túsken, apattyq qyzmet oqıǵa ornyna saǵat 15.55-te jetken. «Almaty Sý» MKK qyzmetkerleri zaqymdanýdy 21.00-de joıdy. Qurbandar men zardap shekkender joq.
Nóserli jańbyrdyń jáne sý burý júıesiniń bolmaýy saldarynan osy jerdegi úılerdiń 15-ke jýyq aýla aýmaǵyn sý basyp qalǵan. Aýdan ákimdiginiń qyzmetkerleri jaǵdaıdy zerdeleý úshin sý basý ýchaskesiniń aımaǵynda aýlalardy aralap shyqty.
Abonentterdi sýmen jabdyqtaýdy retke keltirilgen, JEO-2 shtattyq rejımde jumys isteýde.
Kómek kórsetýdiń barlyq máseleleri boıynsha «Almaty Sý» MKK nómirine qońyraý shalýǵa bolady: 8(727) 379 73 85, 8(727) 379 73 82, dıspecherlik qyzmet ortalyǵy - 8 (727) 274 66 66.
Almaty qalasy boıynsha sý qubyry jelileriniń tozýy 55,8 %, káriz jelileriniń tozýy 57.5% quraıdy. Jańa jelilerdiń iske qosylýy tozýdy tómendetýde.