"Eski ýaqytty" qaıtarý maqsatyndaǵy petısıa 50 myń qol jınady.
Premer-mınıstrdiń orynbasary Serik Jumanǵarınniń aıtýynsha, burynǵy ýaqyt beldeýin qaıtarýǵa qatysty sheshim 40 kún ishinde qabyldanady, dep habarlaıdy Almaty-akshamy.kz
Vıse-premerdiń aıtýynsha, "Ýaqytty keri qaıtarý" petısıasy 50 myńnan astam qol jınaǵandyqtan, endi úkimet ony qaraýǵa mindetti.
"Biz petısıa avtoryn, belsendi sarapshylardy, ǵalymdardy jáne memlekettik organdardy tarta otyryp, bul petısıany qaraımyz. Bizde 40 kún ýaqyt bar. Taıaý ýaqytta jaýap beremiz", - dedi Serik Jumanǵarın.
Qazaqstannyń keıbir turǵyndary (negizinen soltústik óńirlerde) saǵat beldeýin aýystyrǵannan keıin ózin jaısyz sezinip júrgenin aıtyp jatyr. Olardyń sózinshe, tańǵy saǵat 4-te jaryq túsip, keshke tez qarańǵy bolady.
Olar jańa +5 UTC ornyna, burynǵy +6 UTC ýaqyt beldeýine oralý týraly petısıany iske qosty. Petısıa qajetti 50 myń daýysty jınady.
Esterińizge sala keteıik, 2024 jyldyń 1 naýryzyna qaraǵan túni óńirler biryńǵaı ýaqyt beldeýine kóshken bolatyn. Buǵan deıin elde eki ýaqyt beldeýi boldy - UTC+5 jáne UTC+6.
Buǵan deıin Qazaqstannyń bas sanıtar dárigeri Aıjan Esmaǵambetova biryńǵaı ýaqyt beldeýiniń engizilýi qazaqstandyqtardyń densaýlyǵyna áser etpegenin málimdegen bolatyn. Jańa ýaqyt beldeýine kóshýdi ǵalymdar quptaǵan. Al jańashyldyqtyń basty nátıjesi – qazaqstandyqtar bir saǵatqa uzaǵyraq uıyqtaı bastapty.