24 qarasha kúni saǵat 19:00-de «Transforma» teatr keńistigi jeti jyldyq mereıtoıyna oraı «Hıt» qoıylymyn Markov kóshesi 44 jańa mekenjaıynda sahnalaıdy.
«Transforma» mádenı keńistigi óziniń segizinshi teatr maýsymyn ashyp, shyǵarmashylyq ındýstrıalardy damytý jónindegi jetekshi qalalyq bastama – Almaty Creative-pen yntymaqtastyqtyń arqasynda múmkindikteri men geografıany keńeıtpek.
«Mundaı yntymaqtastyq táýelsiz teatr men memlekettik sektordyń ózara is-qımylynyń mańyzdy presedenti bolyp tabylady. Bul Almaty turǵyndary men qonaqtaryn shabyttandyratyn biregeı mádenı jáne bilim berý baǵdarlamalary úshin platforma qura otyryp, eki uıymnyń resýrstary men quzyretterin biriktirýge múmkindik beredi», – dedi «Transforma» teatrynyń dırektory Anna Sývorova.
Almaty Creative bas dırektorynyń m.a. Baqyt Elýbaeva yntymaqtastyq qalalyq shyǵarmashylyq ortany damytýǵa baǵyttalǵanyn atap ótti.
«Biz mádenı bastamalardy qoldaýǵa jáne táýelsiz teatrlardyń jobalaryn jańa deńgeıge kóterýge, olardy keń aýdıtorıaǵa qoljetimdi etýge tyrysamyz. Almaty Creative Hub – bul turǵyndar batyl jáne maǵynaly jobalardy júzege asyra alatyn eksperımentter men yntymaqtastyqqa arnalǵan alań», ― dedi ol.
Teatrdyń repertýarynda aıdyń sońynda ımprovızasıalyq spektákl kórsetý jáne akterlik sheberlik kýrsyn bastaý josparlanǵan.