Tynyshtyqty buzý derekteri boıynsha Arbatqa irgeles úılerdiń turǵyndarynan júıeli aryzdar túsken.
Osy oraıda mundaı quqyq buzýshylyqtyń aldyn alý boıynsha Almaty polısıasy profılaktıkalyq is-sharalardy kúsheıtti, dep habarlaıdy Almaty-akshamy.kz.
Biraz ýaqyttan beri jaıaý júrginshiler aımaǵy azamattardyń súıikti demalys ornyna ǵana emes, moped júrgizýshileriniń de bas qosatyn ornyna aınaldy.
«Al árbir jınalǵan saıyn qoǵamdyq tártipti, azamattardyń tynyshtyǵyn buzý qatar júredi. Bul faktorlar jergilikti turǵyndardyń oryndy narazylyǵyn týdyrýda. Belgilengen aýmaqta jaıaý patrúl, irgeles aýmaqta avtokólik patrúlderi kúsheıtildi. Máselen, ótken túnde ǵana polısıaǵa Arbatta tynyshtyq buzý boıynsha bes dabyl kelip túsken. Moped mingen 18 júrgizýshi shara qoldaný úshin polısıaǵa jetkizildi. Olar QR ÁQBtK-niń 437-baby jáne QR ÁQBtK-niń 615-baby boıynsha jaýapkershilikke tartyldy. 5 kúnde Arbattan tártip buzǵan barlyǵy 63 moped júrgizýshisi Almaly aýdandyq polısıa basqarmasyna jetkizildi», – dedi Almaty qalalyq PD jedel basqarý ortalyǵy bastyǵynyń orynbasary Danıar Tasýbaev.
Jyl basynan beri JQE buzǵany úshin 4748 moped júrgizýshisi ákimshilik jaýapkershilikke tartyldy.