Ortalyqta myńnan asa bala bir mezgilde túrli úıirmege jáne sport seksıasyna qatysa alady.
Prezıdent Qasym-Jomart Toqaevtyń Almaty qalasyna saparynyń ekinshi kúni Naýryzbaı aýdanynda ornalasqan mektep jasyndaǵy balalarǵa arnalǵan ınovasıalyq shyǵarmashylyq ortalyǵynyń jumysymen tanysýdan bastaldy, dep habarlaıdy Almaty-akshamy.kz
Ortalyqta oqýshylardy ǵylymı-tehnıkalyq, kórkem-estetıkalyq shyǵarmashylyqqa baýlyp, olardyń ekologıalyq-botanıkalyq dúnıetanymyn keńeıtetin, bolashaq mamandyǵyn tańdaýyna baǵyt-baǵdar beretin klýbtar men úıirmeler jumys isteıdi.
Memleket basshysyna ortalyqtaǵy kásibı baǵdarlaý kabınetiniń jáne avıamodeldeý, vırtýaldy zerthana, balamaly energıa kózderi sekildi úıirmelerdiń jumysy tanystyryldy. Ortalyqty aralap kórý barysynda prezıdent jetkinshektermen áńgimelesip, olardy búgingi merekesimen quttyqtady. Sondaı-aq balalardyń darynyn, qabiletin damytý úshin osyndaı ortalyqtar óte qajet ekenin atap ótti.
Prezıdent balalar ózderine unaǵan ispen aınalyssa, ómirde úlken jetistikke jetetinin, qoǵamda qurmetti azamat atanatynyn aıtyp, olarǵa sáttilik tiledi.
Úsh qabatty ǵımaratta ornalasqan ınovasıalyq shyǵarmashylyq ortalyqta 1 myńnan asa bala bir mezgilde túrli úıirmege jáne sport seksıasyna qatysa alady. Budan bólek, munda psıhologıalyq-pedagogıkalyq túzetý, defektolog, logoped kabınetteri jumys isteıdi. Sondaı-aq 300 oryndyq kórermen zaly, medıakórme, ınteraktıvti oıyn jáne kovorkıng alańdary bar.