Qyrǵyzstan azamatyna tyıym salynǵan dinı ádebıetti tasymaldaǵany úshin 258 myń teńge aıyppul salyndy.
Túrksib stansıasyndaǵy jelilik polısıa bóliminiń qyzmetkerleri reıdtik is-sharalardy ótkizý barysynda Bishkek – Samara baǵytyndaǵy poıyz jolaýshylarynyń birinen Qazaqstan Respýblıkasynyń aýmaǵynda tyıym salynǵan dinı ádebıetterdi saqtaý jáne tasymaldaý faktisin anyqtady, dep habarlaıdy Almaty-akshamy.kz Polisia.kz-ke silteme jasap.
Tekserý kezinde Qyrǵyzstan Respýblıkasynyń 19 jastaǵy azamaty anyqtaldy. Dintaný saraptamasy dinı ádebıettiń Qazaqstan Respýblıkasynyń aýmaǵynda tyıym salynǵandyǵyn kórsetti. Quqyq buzýshyǵa qatysty ákimshilik materıal toltyryldy. Jambyl oblysy Merki aýdandyq sotynyń sheshimimen shetel azamaty ákimshilik jaýapkershilikke tartylyp, oǵan 70 aılyq eseptik kórsetkish (258 440 teńge) mólsherinde aıyppul salyndy.