Skandınavıa túbegindegi Fınlándıa bıligi, dáliregi, atalǵan eldiń ádilet mınıstrliginde jasaqtalǵan adamnyń aty-jónin retke keltirý jónindegi arnaıy komısıa balaǵa beı-bereket esim qoıýǵa tyıym salatyn ereje qabyldady.
Bul jaıynda islam.kz portaly euro-pulse aqparat kózine silteme jasaı otyryp málim etedi, dep habarlaıdy Almaty-akshamy.kz.
Atalmysh ereje talaptary boıynsha ata-ana balasyna at tańdaǵanda qandaı da bir paıǵamdardyń (máselen, Issýs) nemese Volan sekildi dinge qatysy bar keıipkerler men tulǵalardyń ıa bolmasa dinı mátinderde kezdesetin jaratylystardyń (máselen, İbilis, t.b.) attardy qoıýǵa, sondaı-aq, qandaı da bir zattyń nemese buıymnyń ataýyn balaǵa tańýǵa (máselen, Balǵa nemese Balta), sonymen qatar, adamdy qorlaýy múmkin, balanyń bolashaǵyna zıanyn tııgizýi múmkin attardy qoıýǵa tyıym salynǵan. Budan bólek, adamnyń aty-jónine qatysty zań boıynsha ul balalardy áıelge tán esimmen ataýǵa nemese qyzdardy erlerge tán esimdermen ataýǵa tyıym salynady. Buǵan qosa, ákesiniń esimimen balany ataýǵa tyıym salynǵan (máselen, Asqaruly Asqar), ıaǵnı, birdeı qaıtalanǵan attarǵa tyıym salynady.