Almaty qalasy boıynsha QAJ departamentiniń №11 mekemesinde «Zamanǵa saı jasstar!» degen taqyryppen KVN ótti. Kóńildi tapqyrlar alańyna Almaty ındýstrıa jáne qonaqjaı týrızm kolejiniń «Kettik, bárin tasta!» komandasy, Almaty tehnologıa jáne florıstıka kolejiniń «Aktıvi», Almaty dızaın jáne moda kolejiniń «Akmıs» toby, №11 mekemesiniń «Jastary» qatysty.
Olar «Sálemdesý», «Bes janalyq», «Úı tapsyrmasy» kezeńderi boıynsha saıysqa tústi. Jastardyń sergektigi, bilimi, ázilkeshtigi, sol arqyly taqyryptardy asha bilýi qýantty bizdi.
– Túzeý kolonıasynda jazasyn ótep jatqan jasóspirimderge mundaı is-sharalar aýadaı qajet. Olar bas bostandyǵynan aıyrylyp, jabyq mekemede otyrǵandyqtan syrtqy baılanystyń ornyn osyndaı túrli tanymdyq, rýhanı, mádenı keshtermen toltyrady. Sol arqyly qoǵamdaǵy jaǵdaılardan da habardar bolyp otyrady, bilimin shyńdaıdy. Bizdiń mekemege kelip óner kórsetken jastarǵa jáne ózimizde tárbıelenip jatqan jetkinshekterge alǵyrlyǵy, ómirge qushtarlyǵy úshin alǵys aıtamyn, – dedi mekeme bastyǵy ádilet polkovnıgi Almat Súleımenov.
Kóńildiler men tapqyrlardyń jarysy óte tarysty da qyzyqty ótti. Nátıjesinde 1-oryndy №11 mekemesiniń «Jastar» komandasy ıelendi. 2-oryndy Almaty tehnologıa jáne florıstıka kolejiniń «Aktıvi» komandasy alsa, 3-oryn Almaty dızaın jáne moda kolejiniń «Akmısi» men Almaty ındýstrıa jáne qonaqjaı týrızm kolejiniń «Kettik, bárin tasta!» komandasyna ıe buıyrdy.