Koleksıalyq monetalar QUB ınternet-dúkeni arqyly satylady.
Ulttyq bank "Qazaqstannyń meshitteri men shirkeýleri" serıasynan Astana qalasynyn bas meshiti jáne "Sıqyrly nyshandar" serıasynan Fatima qoly koleksıalyq monetalaryn aınalysqa shyǵarady, dep habarlaıdy aqshamnews.kz
Astana qalasynyn bas meshiti monetasy 2024 jylǵy 25 qarashadan bastap, al Fatima qoly 28 qarashada aınalysqa shyǵady.
Astana qalasynyn bas meshiti monetasy "Qazaqstannyń meshitteri men shirkeýleri" serıasyn jalǵastyrady. Moneta 2022 jyly esigin aıqara ashqan Astana qalasynyń ortalyq meshitine arnalǵan. Bul meshit – Qazaqstan men Ortalyq Azıadaǵy eń iri meshit. Monetanyń dızaınynda Astana qalasynyń ortalyq meshitiniń aıshyqtalǵan beınesi jáne musylmansha sálemdesýdi bildiretin arab tilindegi jazý bar.
Monetalar 925 synamdy kúmisten daıyndalǵan. Massasy – 31,1 gram, dıametri – 38,61 mm, nomınaly – 1000 teńge, taralymy – 1000 (bir myń) dana.
Fatima qoly (Fatıma qoly) monetasy – "Sıqyrly nyshandar" serıasynyń altynshy monetasy. Monetanyń dızaınynda ártúrli eldiń mádenıetinde belgili ashyq alaqan túrindegi qorǵanysh tumarynyń órnektelip aıshyqtalǵan beınesi berilgen.
Monetalar emal jaǵý jáne altyn jalatý tehnologıasyn qoldaný arqyly 925 synamdy kúmisten daıyndalǵan. Massasy – 31,1 gram, dıametri – 38,61 mm, daıyndaý sapasy – antique silver, nomınaly – 1000 teńge, taralymy – 3000 (úsh myń) dana.
"Koleksıalyq monetalar Qazaqstan Respýblıkasynyń búkil aýmaǵynda ózderiniń belgilengen qunyna saı tólemderdiń barlyq túri boıynsha qabyldaýǵa, sondaı-aq eldiń barlyq bankinde bank shottaryna esepke alýǵa, aýdarýǵa, usaqtaýǵa jáne aıyrbastaýǵa jatady", - dep habarlady Ulttyq bank.