Tutynýshylyq kredıtterdiń ósimi jeti aıdyń ishinde aıtarlyqtaı tómendegen.
Tutynýshylyq nesıe alatyn qazaqstandyqtar sany azaıǵanyn aıtyp otyr. Bul týraly Qarjy naryǵyn retteý jáne damytý agenttigi tóraǵasynyń orynbasary Oljas Qızatov málimdedi, dep habarlaıdy Almaty-akshamy.kz Baq.kz cilteme jasap.
2017 jyldan bastap qabyldanǵan sharalar nátıjesinde strestik aktıvterdiń kólemi 7,7 trln teńgeden 2,5 trln teńgege deıin tómendegen. Bul - bank júıesi aktıvteriniń 6 paıyzy.
«2022 jylǵy 4 shildede Memleket basshysy «Qazaqstan Respýblıkasynyń keıbir zańnamalyq aktilerine strestik aktıvter naryǵyn damytý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy, onyń erejeleri 2022 jylǵy 4 qyrkúıekte qoldanysqa engizildi», - dedi Oljas Qızatov.
Jańa zańda jeke ınvestorlardy, onyń ishinde beırezıdentterdi qosý arqyly strestik aktıvterdi ýákiletti satyp alýshylardyń qoldanystaǵy tizimin keńeıtý kózdeledi.
Ol bıyl 8 aıda tutynýshylyq nesıelerdiń tómendegenin aıtty.
«Byltyr tutynýshylyq kredıtterdiń ósimi 40 paıyz bolsa, bıyl jeti aıdyń ishinde 12 paıyz boldy. Bul, byltyrǵyǵa qaraǵanda, tómen kórsetkish, ıaǵnı teńgerimdi ósim boldy», - dedi Qarjy naryǵyn retteý jáne damytý agenttigi tóraǵasynyń orynbasary.