Qazaqstan Prezıdenti barlyq brıtandyqtardyń qaıǵysyna ortaqtasty.
Prezıdent Qasym-Jomart Toqaev Ulybrıtanıa jáne Soltústik Irlandıa Koroli İİİ Karlǵa anasy II Elızaveta Patshaıymnyń qaıtys bolýyna baılanysty kóńil aıtý jedelhatyn joldady, dep habarlaıdy Almaty-akshamy.kz Aqordaǵa silteme jasap.
Memleket basshysy Qazaqstan halqynyń jáne jeke óziniń atynan Koról İİİ Karldyń, koróldik otbasy men barlyq brıtandyqtardyń qaıǵysyna ortaqtasyp, kóńil aıtty.
Prezıdent eldi 70 jyl boıy basqarǵan İİ Elızaveta Patshaıymnyń asa kórnekti kóshbasshy, uly brıtan halqynyń birligi men tabandylyǵynyń sımvoly bolǵanyn atap ótti.
«Onyń danalyqqa, meıirimge jáne jigerge toly basshylyǵy Birikken Koróldiktiń odan da turaqty, alýan túrli jáne órkendegen qoǵam qurý jolynda qarqyndy damýyna óz septigin tıgizdi. Ol halyqaralyq qaýipsizdik pen ornyqty damýdy nyǵaıtýǵa baǵyttalǵan kúsh-jigerdi ilgeriletýde kóshbasshy boldy. Onyń tektiligi, qadir-qasıeti men orasan zor jetistigi álemdegi mıllıondaǵan adamdy jigerlendire túsetinine, al mol murasy óskeleń urpaqtyń júreginde máńgi saqtalatynyna senimdimin», – dep jazylǵan Qazaqstan Prezıdentiniń jedelhatynda.
Qasym-Jomart Toqaev Qazaqstandaǵy Ulybrıtanıa elshiligine bardy.
Memleket basshysy Ulybrıtanıanyń Qazaqstandaǵy elshiligine baryp, II Elızaveta Patshaıymnyń qaıtys bolýyna baılanysty kóńil aıtty.
Prezıdent kóńil aıtý kitabyna jazba qaldyrdy.
