«Alataý Jaryq Kompanıasy» AQ-da Memleket basshysy Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Qazaqstan halqyna kezekti Joldaýyna arnalǵan jıyn ótti. Basqosýǵa kompanıa basshylary men qyzmetkerleri qatysty.
Jıynǵa shalǵaı aýdandardaǵy elektr toraptarynyń mamandary onlaın formatta qatysty. Aldymen «Alataý Jaryq Kompanıasy» AQ Basqarma tóraǵasy Abaı Asylov sóz alyp, Prezıdent Joldaýynda aıtylǵan eldegi ózekti máselelerdiń sheshý joldaryn aıqyndaıtyn negizgi baǵyttaryna toqtaldy.
Qazaqstan halqy el Prezıdentimen bir baǵytqa qaraı jáne bárimiz bir maqsatqa qaraı ilgerilep kele jatqanymyzdy jáne óz kezeginde álemniń eń damyǵan elderiniń qatarynan oryn alý úshin qolymyzdan kelgenniń bárin jasaýǵa tyrysatynymyzdy atap ótý mańyzdy.
Memleket basshysynyń ózi basymdyq berý kerek dep elektr energıasy salasyna erekshe toqtaldy. Búgingi tańda bul salany damytý úshin keleli jobalardy qolǵa alyp, aıanbaı eńbek etýimiz kerek. Óıtkeni jelilerdiń tozýy jalpy kólemniń úshten ekisin qurap otyr. Al jelilerdiń eskirýiniń aldyn alý úshin júıeli jumystardy qolǵa alatyn bolamyz.
El Prezıdentiniń sózimen aıtqanda: «Qazaqstannyń bolashaǵy búginnen – bizdiń sózderimizden, isterimizden, nıetterimizden jáne is-áreketterimizden bastalady», – dedi basqarma tóraǵasy. Óz kezegi kelgende basqarýshy dırektorlar, basqarma basshylary men kompanıanyń jastary óz oılaryn ortaǵa saldy. Árıne, mundaı pikirtalastar Memleket basshysynyń tapsyrmasyn oryndaýǵa qatysty josparlar qurýǵa óz kómegin tıgizetini anyq.
Jıyn sońynda kompanıa basshysy Prezıdent Qasym-Jomart Kemeluly Toqaevtyń: "Biz árqaısymyz birlikti jan-jaqty nyǵaıtyp, ádilettilik qaǵıdattaryn berik ustanatyn kúshti jáne tabysty ult bolamyz», - degen sózimen aıaqtady.