Qazaqstannyń qylmystyq atqarý júıesi mekemelerinde qazir kámeletke tolmaǵan 75 bala jazasyn ótep jatyr.
Aldyn ala esepteýler boıynsha solardyń tórteýi raqymshylyq aıasynda bostandyqqa shyǵady, dep habarlaıdy aqshamnews.kz.
Búgin Májilis depýtattary «Qazaqstan Respýblıkasy Konstıtýsıasynyń otyz jyldyǵyna baılanysty raqymshylyq jasaý týraly» zań jobasyn qarap jatyr. Qujatty talqylaý barysynda depýtattar ishki ister mınıstrliginen neshe bala raqymshylyqpen bosap shyǵatynyn surady.
«Qazir kámeletke tolmaǵan sottalǵandardy ustaý oryndarynda 75 bala jazasyn ótep jatyr. Onyń 70-si – ul bala, olar Almaty qalasyndaǵy №11 mekemede jazasyn ótep jatyr, al 5 qyz bala Almaty oblysyndaǵy Jaýǵashty kentindegi túrmede otyr. Osy sottalǵandardyń ishinde 4 jasóspirim aldyn ala esepteýler boıynsha raqymshylyqqa iligedi, merzimderi qysqartylady», - dep jaýap berdi ishki ister mınıstriniń orynbasary Abaı Qaıyrbekov.
Qaıyrbekovtiń aıtýynsha, buryn raqymshylyqqa iligip, keıin qaıta qylmys jasap6 sottalǵandardyń sany qazir 2 myńnan asady.
«Biz olardy iriktep qaradyq. Olardyń arasynda osy raqymshylyq zańyna iligetin 30-dan astam adam bar», - deıdi İİM basshysynyń orynbasary.