Óńirlik komýnıkasıalar qyzmetinde ótken brıfıńte Almaty qalasy Túrksib aýdany ákiminiń orynbasary Naıl Lebaev aýdanda qansha mektep pen balabaqsha salýǵa bolatyny týraly aıtty, dep habarlaıdy Almaty-akshamy.kz.
Spıkerdiń aıtýynsha, búginde aýdanda 30 mektep bar, olardyń úsheýi ǵana jeke menshikte. Barlyq mektepterde 33 389 oqýshy bilim alady. Oqýshy oryndarynyń tapshylyǵy 1540 oryndy quraıdy.
«Ony tómendetý úshin "Qaırat" shaǵynaýdanynda 1500 oryndy jalpy bilim beretin mektep jáne Volochaevskaıa kóshesi, 357 mekenjaıynda 300 oryndyq jeke mektep ashý josparlanýda. Osy jyldyń úshinshi toqsanynda Saýranbaev kóshesindegi qoldanystaǵy nysandy buza otyryp, №59 mektep-gımnazıasynyń jańa ǵımaratynyń qurylysyn bastaý josparlanýda. Sonymen qatar, "Álmerek"jáne "Jas Qanat" shaǵynaýdandarynda 1050 oryndyq №195 jáne №198 jalpy bilim beretin mektepterge qosalqy ǵımarat salýǵa JSQ ázirleý josparlanǵan", - dep habarlady ÓKQ spıkeri.
Sondaı-aq, Boraldaı kóshesi, 44 mekenjaıyndaǵy №50 jalpy bilim beretin mekteptiń seısmoturaqtylyǵyn kúsheıtý jáne Selskohozáıstvennaıa kóshesi, 21 mekenjaıyndaǵy №83 gımnazıa ǵımaratynyń fılıalyn kúrdeli jóndeý boıynsha JSQ ázirleýin kútýde.
Sonymen qatar, N. Lebaev 2022 jyly 342 orynǵa arnalǵan 6 jekemenshik mektepke deıingi uıym ashylǵanyn habarlady. Sondaı-aq, "Jas Qanat-2" shaǵynaýdanynda 260 oryndy memlekettik balabaqsha jáne Ogarev kóshesi, 2 mekenjaıynda ornalasqan 190 oryndy balabaqsha qurylysyna JSQ ázirlenýde.
Osy jyldyń mamyr aıynda №70 sanatorlyq bóbekjaıda kúrdeli jóndeý men seısmıkalyq nyǵaıtý jumystary bastaldy. Kúzde "Álmerek" shaǵynaýdanynda 320 oryndyq balabaqsha qurylysyna JSQ ázirleýge baıqaý jarıalaý josparlanýda.
Almaty qalasynyń Óńirlik komýnıkasıalar qyzmetiniń habarlamalary jáne materıaldarymen bólisý kezinde ÓKQ-ǵa silteme jasaý mindetti.