Býrabaıdaǵy Úlken Shabaqty kólinde balyq qyrylyp jatyr.
Jergilikti turǵyndar men týrıser óli balyqtardy vıdeoǵa túsirip, áleýmettik jelige jarıalady, dep habarlaıdy Almaty-akshamy.kz 24.kz-ke silteme jasap.
Aıtýlarynsha, arasynda iri balyq ta, shabaq ta kóp. Al aýmaqqa jaýapty «Býrabaı» Ulttyq tabıǵı parkiniń mamandary buny jappaı qyrylý dep aıtýǵa bolmaıdy, deıdi.
Sebebi sýdan synama alyp, quramynda zıandy zattardyń joqtyǵyn anyqtapty. Jylda osy ýaqytta baldyr gúldep, kómirqyshqyl gazy bólinedi eken. Saldarynan sý jándigine ottegi jetispeı, birazy qyrylady dep otyr. Al mundaı qubylys tek sýdyń taıaz jerlerinde bolady eken.
Degenmen, qazir sýdyń quramyn oblystyq ekologıa departamenti de tekserip jatyr. Nátıjesi birneshe kúnnen soń belgili bolady.