Jelilerdiń jalpy uzyndyǵy 137,2 shaqyrym
Óńirlik komýnıkasıalar qyzmetinde aýdan ákimi Baqytjan Aqjarov qalanyń Túrksib aýdanynda 2020-2024 jyldarǵa arnalǵan «Jańa Almaty» shet aımaqtardy damytýdyń keshendi josparynyń qalaı júzege asyrylyp jatqanyn aıtyp berdi, dep habarlaıdy Almaty-akshamy.kz.
Onyń aıtýynsha, búginde Álmerek, Qaırat jáne Nurshashqan shaǵyn aýdandarynyń turǵyndary sapaly aýyz sýǵa qoljetkizýde. 2500-den astam úıdiń turǵyndary ortalyq sýmen jabdyqtaýǵa qosylǵan.
Jelilerdiń jalpy uzyndyǵy 137,2 shaqyrymdy qurady: sý Álmerektiń 819 úıine, Nurshashqannyń 832 úıine jáne Qaırat shaǵyn aýdanynyń 1174 úıine berildi.
Álmerek shaǵyn aýdanynyń úıleri qamtylmaǵan jelileri boıynsha JSQ qosymsha ázirlendi (261 sýmen jabdyqtaý, 596 sý burý). Shýaqty shaǵyn aýdany boıynsha JSQ saraptamadan ótti, 400 úı qamtylady.
«Tómengi pátıletka» aýmaǵyn sýmen jabdyqtaý boıynsha jobalyq-smetalyq qujattama ázirlendi, merdiger anyqtaldy, jobany iske asyrý merzimi 2022-2023 jyldar. Jobamen 4000-nan astam úı qamtylady, 13,3 myń turǵyn, jelilerdiń uzyndyǵy 92,4 km quraıdy», - dep tolyqtyrdy Túrksib aýdanynyń ákimi.
Baqytjan Aqjarov Jas Qanat shaǵyn aýdanyn sýmen jabdyqtaý boıynsha JSQ ázirlenip, merdiger anyqtalǵanyn habarlady. Jobamen 2650 turǵyn turatyn 530 úıdi qamtıtyn 24,7 km jeli salý josparlanýda. Jumystar 2022 jyldyń naýryz aıynda bastalady.
Sondaı-aq ınjenerlik jelilerdi aǵymdaǵy jóndeý jumystary júrgizilýde. Ótken jyly 4,4 km sýmen jabdyqtaý jelisi, 2021 jyly 700-den astam úıdi (2 800 turǵyn) qamtı otyryp, 6,5 km rekonstrýksıalandy.