Búginde 607 úı renovasıany qajet etedi
Túrksib aýdanynyń ákimi Baqytjan Aqjarov Óńirlik komýnıkasıalar qyzmetiniń baspasóz konferensıasynda megapolıstiń bul bóligi birtindep eski úılerden arylyp jatqanyn málimdedi, dep habarlaıdy Almaty-akshamy.kz.
Búginde 607 úı renovasıany qajet etedi.
Almatyda eski úılerdi buzý baǵdarlamasyna ınvestorlar tartyldy. Osylaısha, ony iske asyrý jedeldetiledi. Búginde aýdannyń kóppáterli turǵyn úı qory 1 209 úıdi quraıdy, onyń 50%-y tozyǵy jetken úılerge jatady.
«Bul máseleni sheshý úshin Saýranbaev - Spartak - Chernyshevskıı - Aqynov kósheleriniń boıynda 13 eski ekiqabatty turǵyn úıdi buzý josparlanǵan. Atalǵan ýchaskede 856 páterli 40 bes qabatty turǵyn úıdiń qurylysy josparlanǵan. Qazirgi kezde Saýranbaev, 18 kóshesi boıynsha 62 páterge arnalǵan 3 kóp qabatty úıdiń qurylysy aıaqtaldy», - dedi aýdan ákimi.
Budan basqa, bıyl ekiqabatty úsh úı buzylyp, olardyń ornyna 7 besqabatty úı salynady, aıaqtalý merzimi – 2022 jyldyń 3-shi toqsany.
Seıfýllın-Kassın-Kotelnıkov kósheleriniń kvartalynda 30 segiz páterli eski úılerdi renovasıalaý bastaldy. Atalǵan ýchaskede 820 páterli 27 alty qabatty úı salynady. Qazirgi ýaqytta 2 úı paıdalanýǵa berildi, 12 úı buzylǵan soń 100 otbasy qonys aýdaratyn bolady.
Sondaı-aq, Osıpenko kóshesinde eki kóppáterli turǵyn úıdiń qurylysy júrgizilýde, nysandy tapsyrý merzimi 2022 jyldyń 2-shi toqsany.