Máseleni sheshý maqsatynda dárigerlik ambýlatorıa sanyn arttyrý kózdelip otyr.
Almatynyń Túrksib aýdanynda birqatar jańa dárigerlik ambýlatorıa men emhanalar boı kóteredi. Bul týraly qala ákimi Erbolat Dosaev aýdan halqymen ótken kezdesý barysynda aıtty, dep habarlaıdy Almaty-akshamy.kz.
Almaty ákiminiń aıtýynsha, aýdandaǵy 13 densaýlyq saqtaý mekemesine 252,5 myń adam tirkelgen. Halyq sanynyń ósimin eskere otyryp, «Nurshashqan», «Álmerek» shaǵynaýdandaryndaǵy medısınalyq mekemelerge túsetin júkteme 2 ese jáne «Jas Qanat», «Qaırat» shaǵynaýdandarynda 1,5 ese ulǵaıǵan.
«Bıylǵy jyly Aıbasov kóshesindegi 200 kelýshige arnalǵan dárigerlik ambýlatorıanyń jobalaý qujattamasy ázirlendi. 2022 jyldyń 3-shi toqsanynda «Nurshashqan» shaǵynaýdanynda 100 kelýshige arnalǵan dárigerlik ambýlatorıanyń qurylysyn bastaý josparlanǵan. Sondaı-aq, «Álmerek» shaǵyn aýdanynda jáne RV-90-da árqaısysy 200 kelýshiden turatyn 2 ambýlatorıanyń qurylysyna jobalaý-smetalyq qujattama ázirlenetin bolady. Sonymen qatar, «Qaırat» shaǵyn aýdanynda 340 adam qabyldaıtyn emhananyń qurylysyna jobalaý qujattamasy ázirlenýde»,- dedi qala ákimi.
Erbolat Dosaevtyń atýynsha, №20 qalalyq emhananyń dárigerlik ambýlatorıasyn turaqty ornalastyrý úshin 13 áskerı qalashyqta jalǵa beriletin ǵımarat satyp alynady.