Aýdan turǵyndarynyń ótinishi boıynsha «Halyq qatysatyn búdjet» jobasy aıasynda «Juldyz» shaǵyn aýdanyndaǵy aleıa jańartyldy, dep habarlaıdy aqshamnews.kz
Jobada jaıly demalys úshin qoǵamdyq keńistik qurýǵa barlyq jaǵdaılar qarastyrylǵan: 25 shaǵyn sáýlet formasymen balalar jáne sport alańdary, jaıaý júrginshiler joly, 60 oryndyq pen qoqys jáshigi, 114 kóshe jaryqtandyrý shamdary, jasyl jelekterdi avtomatty sýarý júıesi.
Jańartý jumystary qoldanystaǵy abattandyrý nysandaryna da áser etedi – ýchaskede ornalasqan basketbol alańyn tolyǵymen qalpyna keltirý josparlanýda.
Búgingi tańda kógaldardy tóseý jáne shaǵyn sáýlet formalaryn ornatý jumystary jalǵasýda.
Jumystardyń aıaqtalýy ýaqyty qyrkúıek aıynyń sońyna deıin josparlanýda, aǵymdaǵy jyly Túrksib aýdanynda «Halyq qatysatyn búdjet» baǵdarlamasy boıynsha 52 abattandyrý jobasy iske asyrylýda.
«Halyq qatysatyn búdjet» jobasy – bul turǵyndar men ákimdikterdiń birlesip, jergilikti búdjet qarajatynan júzege asyrylatyn joba.
Turǵyndardyń ózderi abattandyrý boıynsha usynystaryn usynyp, joba deńgeıine deıin pysyqtaıdy, sodan keıin onlaın-daýys berý arqyly jeńimpazdar anyqtalady.
Almaty qalasynyń ákimi Erbolat Dosaevtyń tapsyrmasymen bıyl osy baǵdarlama boıynsha qarjylandyrý kólemi 2 mlrd teńgege deıin ulǵaıtyldy.
