Túrksib aýdanynda «Halyq qatysatyn búdjet» aıasynda bıyl 800 mln. teńgege 28 joba oryndalýda, dedi Almaty qalasynyń ákimi E.A. Dosaev Túrksib aýdanynyń turǵyndarymen kezdesýinde.
Búginde 11 joba iske qosyldy, qalǵandary osy jyldyń qazan aıynyń sońyna deıin aıaqtalady. Jobalardy iske asyrý aıasynda balalar, sport jáne workout alańdaryn salý, Qarasý ózeniniń boıynda serýendeý aımaǵyn (500 m), 1 shaqyrym jaıaý júrginshi jolyn rekonstrýksıalaý kózdelgen.
«Halyq qatysatyn búdjet» jobasyn jalǵastyrý úshin búgingi kúni aýdanda 2023 jylǵa 164 ótinim kelip tústi. Rekreasıalyq aımaqtardy qurý maqsatynda osy jyldyń qazan aıynda «Aspan» parkin abattandyrý, Maıak toǵaıyn kúrdeli jóndeý aıaqtalady. Sondaı-aq, 2022 jyldyń sońyna deıin Moldaǵalıev jáne Chehov kóshelerindegi taǵy bir serýendeý aımaǵyn abattandyrý josparlanǵan. Áýejaı parkin rekonstrýksıalaý 2023 jyldyń mamyr aıynda aıaqtalady.