Kólik jáne jol ınfraqurylymyn jaqsartý jumystary jalǵasýda.
"Onyń qurylysy 2023 jylǵy mamyrda bastalady", - dedi búgin aýdan turǵyndarymen kezdesken Almaty ákimi, dep habarlaıdy Almaty-akshamy.kz
1) Aýdan turǵyndarynyń ótinishi boıynsha №13 avtobýs marshrýty Spasskaıa kóshesindegi 77 úıge deıin jáne №215 avtobýs marshrýty «Shýaqty» shaǵynaýdanyna deıin uzartyldy. Sondaı-aq, «Qaırat» shaǵynaýdanyna kirip-shyǵý arqyly №138 avtobýs marshrýtynyń sqemasy ózgerdi.
2) Joldaǵy qaýipsizdikti qamtamasyz etý maqsatynda Súıinbaı dańǵylyna retteletin 4 jaıaý júrginshiler ótkeli ornatyldy. Turǵyndardyń ótinishi boıynsha 70-shi razezdegi baǵdarsham aýystyryldy.
Turǵyndardyń qaýipsizdigi men jaılylyǵy úshin 9 kóshege 7 km trotýar salyndy.
Anyqtama úshin: Seıfýllın dańǵyly, Aqan Seri, Dónentaev, Zakarpatskaıa, Lavrenev, Maılın, Namanganskaıa, Ostroýmov, Papanın kósheleri.
Bıylǵy jyldyń jeltoqsan aıynda «Parasat» TK janyndaǵy Rysqulov dańǵyly men Erjanov kóshesindegi temirjol arqyly Shatskıı kóshesine eki jerústi ótkelin jobalaý aıaqtalady. Qurylysy 2023 jylǵy mamyrda bastalady.
«Meniń tapsyrmam boıynsha Súıinbaı dańǵyly men Maılın kóshesindegi jaıaý júrginshilerdiń jerústi ótkelderindegi kótergish qurylǵylardy qalpyna keltirý úshin búdjetten qosymsha qarajat bólindi. Jumystar osy jyldyń qarasha aıynyń sońynda aıaqtalady», - dedi qala basshysy.