Densaýlyq saqtaý salasyndaǵy máseleler sheshimin tappaq.
Ol úshin Túrksib aýdanyndaǵy «Qaırat», «Nurshashqan», «Álmerek» shaǵynaýdandarynda jáne Aıbasov kóshesinde 1 emhana men 3 otbasylyq-dárigerlik ambýlatorıa salý josparlanǵan.
Bul týraly qala ákimi Erbolat Dosaevtyń Túrksib aýdany turǵyndarymen ótken kezdesýinde aıtyldy, dep habarlaıdy Almaty-akshamy.kz.
«Aǵymdaǵy jyldyń IV toqsanynda «Nurshashqan» shaǵynaýdanynda 100 kelýshige jáne Aıbasov kóshesinde 200 kelýshige arnalǵan dárigerlik ambýlatorıalardyń qurylysy bastalady. Osy jyldyń sońyna deıin "Qaırat" shaǵynaýdanynda 340 adam qabyldaıtyn emhana salý úshin jobalaý-smetalyq qujattama ázirlenetin bolady. Qurylys-montajdaý jumystaryn 2023 jyly bastaý josparlanyp otyr», - dedi Almaty ákimi Erbolat Dosaev.
«Álmerek» shaǵynaýdanynda 200 kelýshige arnalǵan ambýlatorıa salý úshin jer ýchaskesin satyp alý prosedýralary júrip jatyr. 2023 jyly otbasylyq-dárigerlik ambýlatorıa qurylysyna jobalaý-smetalyq qujattama ázirlenedi.