Densaýlyq saqtaý.
Almaty qalasy ákiminiń mindetin atqarýshy Erbolat Dosaev Túrksib aýdany turǵyndarymen kezdesti. Kezdesý barysynda aýdanda boı kóteretin áleýmettik mańyzdy nysandar jaıly aıtyldy, dep habarlaıdy Almaty-akshamy.kz.
Densaýlyq saqtaý ınfraqurylymyn damytý jáne Túrksib aýdanynyń kóbeıip jatqan turǵyndaryn medısınalyq qyzmettermen qamtamasyz etý úshin bıyl jeltoqsan aıynda «Nurshashqan» shaǵynaýdanynda bir aýysymda 100 adamdy qabyldaıtyn dárigerlik ambýlatorıanyń qurylysy bastalady.
Sondaı-aq 2023 jyldyń I toqsanynda Aıbasov kóshesinde bir aýysymda 200 adamdy qabyldaıtyn dárigerlik ambýlatorıa salý josparlanǵan.
«Qaırat shaǵynaýdanynda 340 kelýshige arnalǵan emhana qurylysynyń jobalaý-smetalyq qujattamasy 2023 jyldyń II toqsanynda memlekettik saraptamadan ótedi. Jalpy, joǵaryda atalǵan sharalar kúnine keletin pasıentterdiń sanyn 800 adamǵa deıin arttyrýǵa múmkindik beredi», - dedi E.Dosaev.
Áleýmettik jáne sporttyq nysandar
Qazirgi ýaqytta eski ǵımaratty (R.Zorge kóshesi, 2A) kúrdeli jóndeý úshin jobalaý-smetalyq qujattama ázirlenýde, onda 2023 jyly áleýmettik nysandar ortalyǵyn ashyp, «Baqytty otbasy» áleýmettik ortalyǵyn, «Shyńǵa órleý» áleýmettik klýbyn, ardagerler keńesin jáne múgedekter qoǵamyn ornalastyrý josparlanǵan.
Sondaı-aq 2023 jyldyń I toqsanynda «Jas Qanat» shaǵynaýdanynda baseıni bar ekinshi dene shynyqtyrý-saýyqtyrý kesheni ashylady.
2023 jyldyń II toqsanynda «Avıator» stadıonynyń aýmaǵynda (Maılın kóshesi boıynda) dene shynyqtyrý-saýyqtyrý ortalyǵynyń jobalaý-smetalyq qujattamasyn ázirleýdi aıaqtaý josparlanǵan.