Bul týraly Almaty qalasy ákiminiń m.a. E.A. Dosaev Túrksib aýdanynyń turǵyndarymen kezdesýinde aıtty, dep habarlaıdy Almaty-akshamy.kz.
Túrksib aýdanynyń aýmaǵynda qaýipsizdikti qamtamasyz etý úshin osy jyldyń qarasha aıynan bastap 174 mekenjaıda 322 beınebaqylaý kamerasyn ornatý jumystary bastaldy. Jumystar 2022 jyldyń jeltoqsan aıynyń sońyna deıin aıaqtalady.
Sonymen birge 2023 jyldyń sáýir aıynda 96 mekenjaıda 448 «Sergek» kamerasyn óndiristik paıdalaný maqsatynda iske qosý josparlanýda. Osy jyldyń sońyna deıin jer ústindegi jaıaý júrginshiler jolyndaǵy kótergish qurylǵylardy qalpyna keltirý jumystary aıaqtalady (Maılın kóshesi men Súıinbaı dańǵyly boıynda). Qazirdiń ózinde vandalızmniń aldyn alý úshin 30 beınebaqylaý kamerasy ornatyldy, ony Túrksib aýdanynyń polısıasy kóre alady.