- «Parasat» TK men Rysqulov dańǵylynyń qıylysynda jerústi ótkeliniń jobalaý-smetalyq qujattamasyn ázirledik, - dedi Almaty qalasy ákiminiń m.a. E.A. Dosaev Túrksib aýdanynyń turǵyndarymen kezdesýinde.
Suraq:
- Men «Qaırat» shaǵynaýdanynda ornalasqan «Parasat» turǵyn úıi kesheniniń 2400 turǵyny atynan kelip otyrmyn. Úsh jyldan beri qarastyrylyp kele jatqan aspaly kópir týraly suraǵym keledi. Sebebi biz magıstraldy Rysqulov kóshesimen ótemiz. Jaıaý júrginshiler ótkelinen ótý úshin 600-700 metr júrip, odan keıin aıaldamaǵa deıin qaıtadan keri júrýge týra keledi. Qazir qys ýaqyty, óte qıyn. Balasy bar analarǵa óte tıimsiz. Osy máseleni qarastyrýlaryńyzdy suraımyn.
Almaty qalasy qalalyq mobıldilik basqarmasy basshysynyń mindetterin ýaqytsha atqarýshy Ernur Abjahan jaýap berdi:
- Shynymen bul jerde úlken másele bar. Rysqulov kóshesi magıstraldy kóshe bolyp sanalady. «Parasat» TK men Rysqulov dańǵylynyń qıylysynda jerústi ótkeliniń jobalaý-smetalyq qujattamasyn ázirledik. Ótkeldi salý kelesi jyldyń josparynda qarastyrylǵan. Qazir konkýrstyq rásimder júrgizilip jatyr. Merdiger uıym anyqtalǵannan keıin qurylys jumystary bastalady.