Almatyda 20 km jylý jelilerin rekonstrýksıalaý jumystary aıaqtalyp keledi.
Almaty ákimi Erbolat Dosaev Túrksib aýdanynyń turǵyndarymen kezdesý barysynda, turǵyndardy kúzgi-qysqy kezeńde jylýmen úzdiksiz qamtamasyz etý úshin qabyldanǵan sharalar jóninde baıandady, dep habarlaıdy aqshamnews.kz
Qala basshysynyń aıtýynsha, bıylǵy qyrkúıek aıynda Spassk, Bekmahanov jáne Súıinbaı kóshelerinde jalpy uzyndyǵy 2,1 km jylý jelileri jańadan salyndy. Sonymen qatar, 30 jyldan astam ýaqyt buryn salynǵan eski qubyrlar aýystyryldy.
Erbolat Dosaevtyń tapsyrmasyna sáıkes, bıyl barlyǵy 20 km jylý jelisi qaıta jóndeýden ótedi, bul olardyń tozýyn 1,8%-ǵa tómendetýge múmkindik beredi.
Jylytý maýsymy aldynda júrgizilgen rekonstrýksıa qalanyń 6 aýdanynda júzege asyrylýda. Jumystardy bıylǵy jyldyń 25 qazanyna deıin aıaqtaý josparlanǵan.