Almatynyń Túrksib aýdany turaqty ekonomıkalyq ósimimen erekshelenip otyr. Bul týraly qala ákimi Erbolat Dosaev aýdan turǵyndarymen kezdesý barysynda aıtty, dep habarlaıdy aqshamnews.kz
• 9 aı ishinde negizgi kapıtalǵa salynǵan ınvestısıa 21%-ǵa, onyń ishinde jeke ınvestısıalar 27%-ǵa ósti. Aýdanǵa 150 mlrd teńge ınvestısıa tartyldy.
• Aýdanda kásipkerler sany 7,8%-ǵa artyp, búgingi kúni 29 myńnan asty. Bul 3,5 myń jańa jumys ornyn qurýǵa jáne salyq túsimin 164 mlrd teńgege deıin ulǵaıtýǵa múmkindik berdi.
• Aýdannyń búdjeti bir jylda 4 ese ósti: 2023 jyldyń basyndaǵy 5,4 mlrd teńgeden 2024 jyly 23,5 mlrd teńgege deıin jetti. Bul qarajat ınjenerlik jáne jol ınfraqurylymyn jańartýǵa, sondaı-aq qoǵamdyq keńistikterdi abattandyrýǵa baǵyttaldy.
Almaty qalasy boıynsha da joǵary ınvestısıalyq belsendilik baıqalyp otyr. 9 aıdyń qorytyndysy boıynsha 1 133 mlrd teńge ınvestısıa tartyldy, bul ótken jylmen salystyrǵanda 8,1%-ǵa kóp.