Almatynyń Túrksib aýdanynda eski turǵyn úı qoryn jańartý jumystary qarqyndy júrgizilýde. Qala ákimi Erbolat Dosaev aýdan turǵyndarymen kezdesý barysynda 1960 jylǵa deıin salynǵan 586 úıdiń jańartylatynyn habarlady.
«2030 jylǵa deıingi turǵyn úı qoryn jańartýdyń jańa baǵdarlamasy ázirlendi. Bul baǵdarlamada keshendi jáne oramdyq qurylys, eski úılerdiń menshik ıeleriniń quqyqtaryn qorǵaý jáne turǵyn úı qoryn áleýmettik, ınjenerlik jáne kólik ınfraqurylymyn damytý arqyly jańartý qarastyrylǵan», – dedi Erbolat Dosaev.
Shilde aıynda Kassın kóshesinde 6 jańa úıdiń qurylysy aıaqtaldy, al jyl sońyna deıin Saýranbaev kóshesinde taǵy 7 úıdiń turǵyndary qonys aýdarady. Sonymen qatar, «Altaı-2» shaǵyn aýdanynda 6 úı satyp alynyp, eki toǵyz qabatty úıdiń qurylysy júrgizilýde.
Almatyny damytý jáne tıimdi baqylaýdy qamtamasyz etý úshin jańa Qala qurylysy reglamenti, Qurylys erejeleri jáne Turǵyn úı qoryn jańartý baǵdarlamasy ázirlendi. Bul qujattar jyl sońyna deıin Máslıhat sesıasynda bekitiledi.