Almaty ákimi Erbolat Dosaev Túrksib aýdanynyń turǵyndarymen kezdesý barysynda elektr jelilerin rekonstrýksıalaý boıynsha atqarylǵan jumystar men aldaǵy josparlar týraly aıtyp berdi, dep habarlaıdy aqshamnews.kz
Qala basshysynyń aıtýynsha, «Álmerek», «Nurshashqan» jáne «Qaırat» shaǵyn aýdandarynyń turǵyndaryn úzdiksiz elektr qýatymen qamtamasyz etý úshin «Tuzdybastaý» qosalqy stansıasy salyndy. Qosalqy stansıany «Tuzdybastaý» qosalqy stansıasyn «Besaǵash» qosalqy stansıasymen baılanystyratyn kabeldik jelilerdi tóseý jumystary aıaqtalǵan soń, 2024 jyldyń jeltoqsan aıynyń sońyna deıin iske qosý josparlanyp otyr.
Sonymen qatar, atalǵan shaǵyn aýdandarda 110 km elektr jelilerin jańartý jumystary júrgizilýde. Jumystar 2024 jyldyń sońyna deıin aıaqtalady dep josparlanýda.
Jalpy, Almaty qalasynda jyl basynan beri 76 km elektr jelisiniń 66 km-i jańartyldy.
Sonymen qatar, bıyl magıstraldi kóshelerde 25 km syrtqy jaryqtandyrý júıesi jóndelip, 250 km-den astam kabel tartylyp, 1800 baǵana ornatyldy.