Qysqy shınalar kóliktiń barlyq dóńgelegine ornatylýy tıis.
Polısıa almatylyq kólik júrgizýshilerine eskertý jarıalady, dep habarlaıdy aqshamnews.kz polisia.kz-ke silteme jasap.
«Aldaǵy kúnderi aýa raıy nasharlap, jańbyr men qar jaýýy, sondaı-aq aýa temperatýrasynyń tómendeýi kútilýde. Osyǵan oraı, jol qozǵalysy qaýipsizdigin saqtaý maqsatynda kólik júrgizýshileri men avtokólik ıelerine dóńgelekterin qysqy kezeńge aýystyrýdy aldyn ala josparlaýdy usynamyz», -dedi Polısıa departamenti ákimshilik polısıa basqarmasynyń bastyǵy Asqat Qulbaev.
Onyń aıtýynsha, “Dóńgelekti kólik quraldarynyń qaýipsizdigi týraly” Keden odaǵynyń tehnıkalyq reglamentiniń (TR KO 018/2011) talaptaryna sáıkes, jazǵy maýsymda (maýsym, shilde, tamyz) syrǵanaýǵa qarsy tikenekteri bar shınalardy paıdalanýǵa tyıym salynsa, qysqy kezeńde (jeltoqsan, qańtar, aqpan) qysqy shınalarsyz kólik quraldaryn basqarý zańmen shekteledi.
Bul rette qysqy shınalar kóliktiń barlyq dóńgelegine ornatylýy tıis.
1 jeltoqsannan keıin osy talaptardy oryndamaǵan jaǵdaıda, QR Ákimshilik quqyq buzýshylyq týraly kodeksiniń 590-babynyń 5-bóligine sáıkes, kólik ıelerine 5 AEK mólsherinde aıyppul salynady.