Keıbir jeliler rekonstrýksıalandy.
Osy jyldyń sońyna deıin Túrksib aýdanyndaǵy 5,5 km eski elektr jelilerin jańǵyrtý jumystary aıaqtalady. Bul týraly Almaty ákiminiń mindetin atqarýshy Erbolat Dosaev aıtty, dep habarlaıdy Almaty-akshamy.kz.
«Osy jyldyń maýsym aıynda ótken kezdesýimizde Jahanger kóshesindegi 22 úıdi elektrmen jabdyqtaý máselesi aıtyldy. Qazirgi ýaqytta jańa elektr jelisin salý jumystary aıaqtaldy. Turǵyndar qalalyq jelilerge qosylyp, úzdiksiz elektr energıasymen qamtamasyz etildi. Osy jyldyń sońyna deıin «Shýaqty» shaǵynaýdanyndaǵy 5,5 km eski elektr jelilerin jańǵyrtý jumystary aıaqtalady. Onyń 5,3 km rekonstrýksıalandy», - dedi Erbolat Dosaev.
2023 jyldyń basynda dál osyndaı jumystardy «Álmerek» (23,5 km) jáne «Qaırat» (55,5 km) shaǵyn aýdandarynda bastaýdy josparlanyp otyr.
«Qaırat» jáne «Nurshashqan» shaǵynaýdandarynda 2 400-den astam abonentti jetkilikti úzdiksiz elektr energıasymen qamtamasyz etý úshin «Tuzdybastaý» podstansıasy salynyp jatyr. Jumystardy 2023 jyldyń maýsym aıynda aıaqtaý josparlanǵan», - dedi Erboat Dosaev.