Túrksib aýdany áleýmettik ınfraqurylymdy damytýdy jalǵastyryp jatyr. Tek 2024-2026 jyldar aralyǵynda bilim berý, densaýlyq saqtaý men mádenıet salasynda 25-ke jýyq úlken jobany júzege asyrmaq. Óńirlik komýnıkasıalar qyzmetinde aýdan ákimi Baqytjan Aqjarov osylaı dep málimdedi, dep habarlaıdy aqshamnews.kz
Ákimniń aıtýynsha, mekteptegi oryn tapshylyǵyn azaıtý úshin 2024 jyly №59 mektep-gımnazıasyn 300 orynǵa keńeıtý men №83 mektep-gımnazıasynyń bólimshesin jańartý jumysy aıaqtalyp, jyl basynda №195 mektepke 450 oryndyq qosymsha ǵımarat salynǵan. Sonymen qatar, «Keleshek mektep» ulttyq jobasy aıasynda 6100 oryndyq tórt jańa mekteptiń qurylysy júrip jatyr. Budan bólek, Almaty telekomýnıkasıalar jáne mashına jasaý kolejiniń jańa ǵımaraty salynyp, eskisi buzylady (qurylys jumysy 2026 jyldyń qańtarynda aıaqtalady). №50 mektepti seısmıkalyq jaǵynan kúsheıtý men kúrdeli jóndeý jumysy bıylǵy jeltoqsanǵa deıin aıaqtalsa, №59 mektep-gımnazıasynyń bólimshesin jańartýdy bıylǵy tamyzǵa deıin bitirmek.
Qazir jobalaý kezeńinde turǵandar: №198 mektepke 600 oryndyq, №170 mektepke 125 oryndyq qosymsha qurylys, №78 mektep-gımnazıasyn jańartý men 450 oryndyq qosymsha ǵımarat, №142 mekteptiń jańartý jumysy, №89 mektepti buzý men jańa mektep salý, №84 mekteptiń rekonstrýksıasy men №74 mekteptiń tolyqtaı jańadan salý bar.Mektepke deıingi bilim berý salasynda №70 balabaqshany seısmokúsheıtý jumystary aıaqtaldy. 2025 jyldyń qyrkúıeginde «Qaırat» shaǵyn aýdanynda 260 oryndyq jańa memlekettik balabaqsha ashylady. Sondaı-aq, №119 balabaqshanyń rekonstrýksıasy men «Álmerek» shaǵyn aýdanynda 240 oryndyq jańa balabaqsha qurylysyna jobalyq-smetalyq qujattama ázirlenip jatyr. «Jas Qanat» aýdanyndaǵy eski balabaqshanyń bitpegen qurylysyn alyp tastap, onyń ornyna 320 oryndyq jańa balabaqsha salynbaq. Bul jobaǵa qatysty jobalyq-smetalyq qujattama baıqaýy bıylǵy tamyzda jarıalanady.
Densaýlyq saqtaý salasynda da oń ózgeris baıqalady: 2024 jyly «Nurshashkan» shaǵyn aýdanynda 100 oryndyq dárigerlik ambýlatorıa salynyp bitti. Jaqyn arada «Juldyz» shaǵyn aýdanyndaǵy №20 emhana kúrdeli jóndeýden keıin qaıta ashylyp, qyrkúıekte Aıbasov kóshesindegi 200 oryndyq otbasylyq dárigerlik ambýlatorıa jumysyn bastamaq. 2026 jyldyń birinshi toqsanynda №4 qalalyq aýrýhananyń qabyldaý bóliminiń rekonstrýksıasy aıaqtalady. Bıylǵy tamyz aıynda Namangan kóshesinde 500 oryndyq jańa emhananyń qurylysy bastalyp, eskisin túgel buzyp tastaıdy.
Qazir «RV90» men «Álmerek» shaǵyn aýdanynda 200 oryndyq eki otbasylyq dárigerlik ambýlatorıanyń qurylysyna jobalyq qujattama ázirlenip jatyr, «Qaırat» shaǵyn aýdanynda 340 oryndyq jańa emhana, №24 emhana men Týberkýlez jáne pýlmonologıa ortalyǵyn kúrdeli jóndeý, sondaı-aq №8 qalalyq aýrýhananyń jańartý jobalary ázirlenip jatyr.
«Sonymen qatar, sporttyq jáne mádenı ınfraqurylymdy damytýǵa da aıtarlyqtaı kóńil bólinip otyr. 2025 jyldyń aqpan aıynda «Jas Qanat» aýdanynda 600 oryndyq dene shynyqtyrý-saýyqtyrý kesheni ashyldy. Qazir Maılın kóshesinde ornalasqan «Avıator» sport kesheniniń jobasy ázirlenýde, onyń memlekettik saraptama qorytyndysy 2025 jyldyń tamyzynda shyǵyp qalady. Sol aıda «Jas Qanat» shaǵyn aýdanynda damý jáne shyǵarmashylyq ortalyǵynyń qurylysy bastalyp, №6 mektep oqýshylarynyń úıin kúrdeli jóndeýden ótkizý jaǵy josparlanǵan», - otmetıl Baqytjan Aqjarov.
Damý baǵdarlamasy turǵyndardyń ómir sapasyn jaqsartyp, bilim berý, medısına men mádenı-demalys qyzmetiniń sapasyn arttyrýǵa baǵyttalǵan.